MKOA WA MARA WAPOKEA VIFAA TIBA NA MAGARI 31 IKIWEMO AMBULANCE 20 RC MTANDA AMSHUKURU RAIS SAMIA.

Mkuu wa Mkoa wa Mara Mhe. Said Mtanda siku ya Jumatano ya Novemba 22 amezungumza na waandishi wa habari ofisini kwake na kuelezea namna Mkoa wa Mara ulivyonufaika na vifaa tiba vyenye thamani ya Tshs. 232,405,917.53 ambavyo vimepelekwa Kituo cha Afya Kisolya Wilayani Bunda pamoja na magari 31 yakiwemo magari ya kubebea wagonjwa (ambulance) 20 na magari ya usimamizi na ufuatiliaji 11.

Akizungumza na waandishi RC Mtanda amesema pamoja na vifaa tiba hivyo Mkoa wa Mara pia umepata vifaa tiba vyenye thamani ya Bilioni 4.8 kwa ajili ya Hospitali ya Rufaa ya Mwal. J.K. Nyerere (Kwangwa).

Aidha Mhe. Mtanda amemshukuru Mhe. Rais Samia kwa upendo wake kwa wananchi wa Mkoa wa Mara kwa kukabidhi magari pamoja na vifaa tiba na kuwataka Wataalamu wa sekta ya afya kuvitunza na kusimamia vyema vifaa tiba hivyo ili vitumike kama adhma ya Mhe. Rais Samia alivyodhamiria.